कस्तो छ भारतमा उपचाररत चन्द्र भण्डारीको स्वास्थ्य अवस्था ?

काठमाडौँ । ग्यास सिलिन्डर लिक भएर आगोको जलनमा परेका नेपाली कांग्रेसका नेता डा चन्द्र भण्डारीको फोक्सोको तल्लो भागमा मात्र कार्बन मोनो अक्साइडको मात्रा देखिएको छ । कांग्रेस युवा नेता योगराज कँडेलले दिएको जानकारीअनुसार आज बिहान चिकित्सकहरूले भण्डारीको फोक्सोको तल्लो भागमा मात्र कार्बन मोनो अक्साइडको मात्रा देखिएको र त्यसले हृदयमा असर नपर्ने जानकारी दिएको बताए । भण्डारीको हिजो पहिलो सर्जरी गरिएको थियो ।’पहिलो सर्जरी गर्दा दायाँ खुट्टामा एकदमै डिप इन्जरी रहेको कारण सोचेभन्दा धेरै समय लागेको र अब्जरवेसन पनि कम्तीमा १–२ घण्टा राख्नुपर्ने नियम रहेका कारण दोस्रो अपरेसन गर्न नसकिएको जानकारी डा. मुकेशबाट प्राप्त भयो,’ कँडेलले सामाजिक सञ्जालमा लेखेका छन्, ‘अहिले बिहान ६:३० बजे डा. घनन्जयसंग कुरा गर्दा अहिले सबै पारामिटर नर्मल रहेको छ ।’